भारतमा पनि ओमिक्रोन भेरिएन्टको अर्को नयाँ सब-भेरिएन्टको फैलिरहेको पत्ता लागेको छ ।
बीए–२ नाम दिइएको भेरिएन्टबाट भारतको मध्य प्रदेशको इन्दौरमा १६ जनामा सङ्क्रमित फेला परेकाे भारतीय सञ्चारमाध्यमले जनाएका छन् ।
बीए–२ बाट सङ्क्रमित भएकामध्ये ६ जना बालबालिका छन् ।
थप सङ्क्रमणको बारेमा पत्ता लगाउनका लागि भारतभरीका पाँच सय ३० नमूनालाई अनुसन्धानका लागि पठाइएको छ ।
नयाँ भेरिएनटकाे पहिलाे सङ्क्रमित भारतकाे हुन स्थानमा भेटिएको भनेर हालसम्म स्पष्ट पारिएकाे छैन ।
बेलायती स्वास्थ्य सुरक्षा एजेन्सीका अनुसार बेलायतमा पहिलो पटक गत ६ डिसेम्बरमा ओमिक्रोनको सब- भेरिएन्टको बारेमा पत्ता लागेको थियो ।
बेलायतमा हालसम्म चार सय २६ जनामा नयाँ भेरिएन्टको सङ्क्रमण देखिएको छ । यसलाई बेलायतमा अन्डर इन्भेस्टिगेसनमा राखिएको छ ।
भारत र बेलायतबाहेक अस्ट्रेलिया र डेनमार्कमा पनि यसका सङ्क्रमित भेटिएका छन् ।
कोरोनाको नयाँ भेरिएन्ट बीए–२ को लक्षण आमिक्रोनजस्तै छ । तर, यो अन्य भेरिएन्टको तुलनामा तीब्र रुपमा फैलिने जनाइएको छ ।
