प्रतिकात्मक फोटो ताप्लेजुङको मेरिङ्देन गाउँपालिकामा बिहीबार ट्याक्टर दुर्घटना हुँदा एक जनाको मृत्यु भएको छ भने अन्य दुई जना घाइते भएका छन् ।
मेरिङ्देन–३ खाम्लुङको साक्फारामा हिजो दिउँसो मिक्वाखोला गाउँपालिकाको साँबादेखि खाम्लुङको दोभानतर्फ जाँदै गरेको मे १ त ७४६१ नम्बरको ट्याक्टर दुर्घटना भएको थियो ।
सो दुर्घटनामा मेरिङ्देन गाउँपालिका–१ थिङ्लाबुका ४५ वर्षीय निमा शेर्पाको मृत्यु भएको जिल्ला प्रहरी कार्यालय ताप्लेजुङले जनाएको छ ।
यस्तै, ट्याक्टरका चालक कृष्ण शेर्पा र सहचालक सञ्जीव लिम्बू घाइते भएका छन् ।
प्रहरीका अनुसार सहचालक लिम्बू अवस्था गम्भीर भएकाले थप उपचारको लागि जिल्ला बाहिर रेफर गरिएको छ भने चालक शेर्पाको जिल्ला अस्पताल ताप्लेजुङमा उपचार भइरहेको छ ।
ट्याक्टर अनियन्त्रित भई भिरबाट खसेको प्रहरीले जनाएको छ ।
