मधेस प्रदेश सरकारले भोलि मङ्गलबार प्रदेशमा सार्वजनिक बिदा दिएकाे छ ।
प्रदेश सरकारले स्थायी राजधानी र प्रदेशकाे नामकरण गर्न सफल भएकाे खुशियालीमा बिदा दिएकाे जनाएकाे छ ।
मधेस प्रदेश सरकारका प्रवक्ता एवम् अर्थ मन्त्री शैलेन्द्र साहले प्रदेशको नाम र राजधानी तोकिएको खुशियालीमा बिदा दिइएको बताए ।
सोमबार बसेकाे प्रदेशसभा बैठकले प्रदेश २ काे नाम मधेश र राजधानी जनकपुरधाम तय गरेकाे थियाे ।
प्रदेशसभामा भएको मतदानमा मधेस नामको पक्षमा ८० र राजधानी जनकपुरधामको पक्षमा ७८ जना सांसदले मतदान गरेका थिए ।
