इङ्ग्लिस क्लब एभर्टनले मुख्य प्रशिक्षक राफायल बेनिटेजलाई बर्खास्त गरेको छ । आइतबार एभर्टनले नियुक्तिको ६ महिना नपुग्दै बेनिटेजलाई बर्खास्त गरेको हो ।
लिभरपुलका पूर्वप्रशिक्षकसमेत रहेका बेनिटेजले एभर्टनसँग तीन वर्षको सम्झौता गरेका थिए । कार्लो एन्सेलोटीले क्लब छाडेपछि एभर्टनले उनलाई मुख्य प्रशिक्षक नियुक्त गरेको थियो ।
जारी प्रिमियर लिगमा अपेक्षाकृत नतिजा निकाल्न नसकेपछि बेनिटेज बर्खास्त भएका हुन् । हाल एभर्टन १६औँ स्थानमा छ ।
