मुक्तिनाथ विकास बैंकले मुद्दतीमा दिइने ब्याज सुविधामा ‘मुक्तिनाथ क्रमिक बचत खाता’ सञ्चालनमा ल्याएको छ ।
बैंकका अनुसार बचत खाता तथा मुद्दती खाताको विशेषताहरूलाई समेटेर मुक्तिनाथ क्रमिक बचत खाता सञ्चालनमा ल्याइएकोे हो ।
न्यूनतम १ वर्षदेखि १० वर्ष अवधिसम्म यस खातामा मासिक वा त्रैमासिक रुपमा एक निश्चित रकम जम्मा गरेको अवस्थामा एक वर्षको व्यक्तिगत मुद्दती खातामा दिइने बराबरको ब्याज दिइने बैंकले जनाएको छ ।
बैंकका अनुसार त्रैमासिक रुपमा प्राप्त ब्याज पुनः सोही खातामा नै जम्मा हुने र यसमा समेत मुद्दतीकै ब्याज प्रदान गरिनेछ ।
आम्दनीको केही अंश नियमित बचत गर्न चाहने ग्राहकहरूलाई प्राथमिकतामा राखी यस खाता सञ्चालन गरिएकाे बैंकले बताएकाे छ ।
