सन्तोष शाहकी वृद्ध आमा भन्छिन्, ‘छोरोको बिहे हेर्ने रहर छ’

सन्तोष शाहकी आमाले आफ्नो छोराको बिहे हेर्न चाहेको बताउँदै आएकी छन् ।

पाँच छोरा र दुई छोरीकी आमा सुमारीदेवी छोरा सन्तोषको बिहे हेर्न चाहन्छिन् । आफू धेरै बूढी भएको र कति वर्ष बाँचिन्छ भन्ने थाहा नभएको बताउने उनि सन्तोषले बिहे गरेको देख्न पाएका निकै खुशी हुने बताउँछिन् । ‘मधेसमा, पहाडमा वा अरु कुनै ठाउँमा विवाह गरेपनि पढेलेखेकी केटी बिहे गरेर ल्याउनुपर्छ,’ सुमारी देवीले भनिन् ।

आमालाई खुशी पार्नैछ भन्दै सन्तोषले विवाहको बारेमा विचार गर्नुपर्ने बताएका छन् । अहिलेसम्म केटी हेरिनसकेको तर कुरा मिलेमा भने विवाह हर्ने उनको भनाइ छ ।

सन्तोष बीबीसीको यूके मास्टरशेफ प्रोफेशनल्स रिम्याच २०२१ का विजेता हुन् । प्रतिस्पर्धामा उनले पस्केका तराई, हिमाल र पहाडका विविध नेपाली परिकारलाई निर्णायक मण्डलका सदस्यले निकै मनपराएका थिए ।