सरकारले सार्वजनिक स्थलमा २५ जना भन्दा बढी भेला हुन रोक्ने निर्णय गरेको छ ।
आइतबार बसेको कोभिड–१९ संकट व्यवस्थापन समन्वय केन्द्र (सीसीएमसीसी) को बैठकमा सोे निर्णय भएको हो ।
बैठकको निर्णय अनुसार ‘अर्को सूचना नभएसम्म सार्वजनिक स्थलहरुमा २५ जना भन्दा बढी भेला हुने गरी मेला, भेला तथा महोत्सवहरु आयोजना नगर्न नगराउन सबै स्थानीय प्रशासनलाई गृह मन्त्रालयमार्फत लेखी पठाउन सिफारिस गर्ने’ जनाइएको छ ।
अत्यावश्यक नियमित कार्यक्रमको हकमा स्थानीय प्रशासनको अनुमति लिएर गर्ने व्यवस्था मिलाउने बैठकले निर्णय गरेको छ भने सार्वजनिक स्थलमा हुने राजनीतिक तथा धेरै जना उपस्थित हुने गरी सामाजिक, प्रशासनिक वा सो प्रकृतिका कार्यक्रम नगर्न आह्वान गरेको छ ।
