हामीले प्रयोग गर्ने सफ्टवेयर प्रायजसोः आवश्यक परेको खण्डमा टोरेन्ट साइटबाट क्य्राक भर्सन डाउनलोड गर्छौं ।
अधिकांश प्रायेगकर्ताहरुले सफ्टवेयरको क्य्राक भर्सन चलाउनुको कारण यसको मूल्य एक प्रमुख कारण हो भने अर्को सहज पुहँच नहुनु नै हो । सित्तैमा सफ्टवेयरले काम गरिरहेको अवस्थामा महंगोमा किन किन्नु भन्ने लाग्नु पनि स्वभाविक हो ।
तर हामीले विर्सन नहुने कुरा चाहीँ के हो भने यसरी क्य्राक भर्सनको सफ्टवेयर प्रयोग गर्दा त्यसको जोखिमको विषयमा पनि सोच्नु आवश्यक छ । जुन हामीले कहिलै पनि सोचिरहेका हुँदैनौं ।
आफ्नो डेटा सुरक्षालाई महत्व दिनेहरुका लागि भने यो एउटा सोचनीय विषय हो । यसरी हामीले प्रयो गर्ने क्य्राक भसर्नका सफ्टवेयरमा कतै माल्वयर पो लुकाएको छ की ? त्यहि क्य्राक भर्सनको सफ्टवेयरको माध्यमबाट कतै ह्याकरले त्यसबाट तपाईंको डिभाइसमा पहुँच पाइरहेको त छैन् ? क्य्राक भर्सनको सफ्टवेयर प्रयोग गर्दा कम्पनीबाट प्राप्त हुने सुरक्षा अपडेट कहिलै पनि प्राप्त गर्न सकिदैन ।
क्य्राक वा पाइरेटेड सफ्टवेयर प्रयोग गर्दा वा जेन्युन सफ्टवेयर को प्रयोग नगर्दा कानून अनुसार कारवाही हुन सक्दछ । क्य्राक भर्सनका सफ्टवेयर प्रयोग गर्दा सजीलैसँग ह्याकरको पहुँच व्यक्तिगत वा व्यवसायिक विवरणहरुमा पुग्न सक्छ ।
यसकारण जेन्युन सफ्टवेयरको प्रयोग गरि सुरक्षित रहौं ।
