विश्व बजारमा साउथ इण्डियन चलचित्रहरुले राम्रो व्यापार गर्न थालेका छन् ।
व्यापार मात्र राम्रो नभई हाल साउथ इण्डियन कलाकारका खबरले पनि मिडियामा प्राथमिकता थालेका हुन् ।
चलचित्र ‘डियर कमरेड’ले युट्युबमा तहल्का मच्चाएपछि अभिनेता विजय देवरकोन्डा र अभिनेत्री रश्मीका एकाएक चर्चामा आउन थालेका हुन् । त्यस पश्चात यी दुवै कलाकार बलिउड चलचित्रमा समेत निकै नै व्यस्त भइसकेका छन् ।
हाल मिडियामा यी दुईको प्रेमको खबर समेत सार्वजनिक हुन थालेको छ । एकसाथ नयाँ वर्ष गोवामा मनाएको खबर सार्वजनिक भएसँगै विजय र रश्मीकाको प्रेमको चर्चा हुन थालेको हो । तर दुई कलाकारको प्रेम चर्चा गोवा पुग्नु अगाडि नै शुरु भइसकेको थियो ।
विजयले गोवाको तस्वीर सार्वजनिक गर्दै नयाँ वर्षको शुभकामना दिएका थिए भने रश्मीकाले पनि नयाँ वर्षमा गोवाको रमणीय दृश्यमा रमाउँदै गरेको तस्वीर सार्वजनिक गरेकी थिइन् ।
यो विषयमा भने विजय र रश्मीका दुवै मौन छन् ।
