चर्चित निर्देशक सन्तोष सेनद्वारा निर्देशित प्रेमगीत ३ को प्रदर्शन मिति अनिश्तिकालसम्मका लागि सारिएको छ ।
फागुन १३ बाट प्रदर्शनमा आउने भनिएको चलचित्र कोभिड महामारीका कारण स्थगित गर्नु पर्दा आफूसहित सम्पूर्ण टिमलाई दुःख लागेको फिल्मका निर्माता एवम् निर्देशक सेनले बताएका छन् ।
सामाजिक सञ्जालमार्फत जानकारी दिँदै सेनले लेखेका छन्, ‘फागुन १३ का लागि प्रचार गरिए पनि आज प्रदर्शन मिति स्थगित गरिएको सूचना सार्वजनिक गर्दा दुःखी छौँ ।
‘भारतमा तीव्र रुपमा फैलिरहेको ओमिक्रोन संक्रमणका कारण फिल्म हलहरू बन्द हुँदै गएको र भारतीय वितरक समूहको अनुरोधका कारण फिल्मको प्रदर्शन मिति स्थगित गर्नु परेको हो’ निर्देशक सेनले लेखेका छन्, ‘नेपालसहित भारत र अन्य देशमा एकै मितिमा फिल्म प्रर्दशनमा ल्याउन अनुरोध आएकाले त्यसलाई मध्यनजर गर्दै यो निर्णय गरिएको हो ।’
नेपालबाहेक मुम्बईमा समेत पोस्ट प्रोडक्सनको काम गरिएको प्रेमगीत ३ लाई सेनले भारतमा प्रदर्शनका लागि वितरकलाई बिक्री गरिसकेका छन् । दर्शकले निकै प्रतिक्षा गरिरहेको फिल्ममा क्रिष्टपन गुरुङ्ग, प्रदीप खड्का, अनुभव रेग्मी लगायत कलाकारको अभिनय रहेको छ ।
