रिक्त रहेका १९ राष्ट्रिय सभा सदस्यका लागि हुने निर्वाचनको लागि आज उम्मेदवारी दर्ता हुने भएको छ ।
सम्बन्धित प्रदेशको निर्वाचन अधिकृतको कार्यालयमा गई बिहान १० बजेदेनि दिउँसो ३ बजेसम्म मनोनयन दर्ता गर्न सकिने निर्वाचन आयोगले जनाएको छ ।
राष्ट्रिय सभा सदस्यका लागि आउँदो माघ १२ गते निर्वाचन हुँदैछ ।
निर्वाचन आयोगका अनुसार प्रदेश २ र बागमती प्रदेशबाट समान दुई–दुई र प्रदेश १, गण्डकी, लुम्बिनी, कर्णाली र सुदूरपश्चिम प्रदेशबाट समान तीन–तीन गरी कूल १९ सदस्य निर्वाचित हुँदैछन् ।
जसमा सात महिला, तीन दलित, दुई अपाङ्गता भएका व्यक्ति वा अल्पसङ्ख्यक र सात जना अन्य समूहका रहेका छन् ।
आउँदो चुनावका लागि निर्वाचन आयोगमा १२ दलले आफूलाई दर्ता गरिसकेका छन् ।
