ह्वाट्सएपमा पठाइसकेको म्यासेज कहिलेकाहिँ डिलिट गर्ने गरिन्छ । एउटालाई पठाउनुपर्ने म्यासेज अर्कैलाई जादा, टाइपिङमा गल्ती हुँदा वा अन्य विभिन्न कारणले म्यासेज डिलिट गरिन्छ ।
म्यासेज डिलिट गर्दा म्यासेज आएको नोटिफिकेसन प्राप्त गरेपनि त्यस्ता म्यासेज अर्को व्यक्तिले पढ्न पाउँदैन ।
म्यासेज डिलिट गर्दा म्यासेज डिलिट गरिएको छ भनेर भने देखिने हुन्छ । डिलिट गरिएको म्यासेज हेर्नका लागि एन्ड्राेइड प्रयाेगकर्ताले नोटिसेभ, डब्लुएएमआर लगायतका थर्ड पार्टी एपको सहायता लिन सक्नेछन् ।
डब्लुएएमआर एपबाट डिलिट भएको म्यासेज हेर्नका लागि गुगल प्ले स्टोरमा गएर डब्लुएएमआर एप इन्स्टल गर्नुपर्ने हुन्छ । एप खोलेपछि डिस्क्लेमर पढेर एक्सेप्ट गरी नेक्स्ट एरोमा क्लिक गर्ने । त्यहाँबाट डिलिट भएका म्यासेज रिकभर गर्न चाहेको एप चयन गर्नु सकिन्छ ।
ह्वाट्सएपलाई क्लिक गरि त्यहाँ दिएका सबै इन्स्ट्रक्सन पढेर स्वाइप गर्दै सेटअप स्क्रिनसम्म जाने र नोटिफिकेसन रिडरलाई इनेबल गर्ने । त्यसपछि ह्वाट्सएपमा डिलिट भएका मेसेज एपमा गएर हेर्न सकिन्छ ।
