प्रमुख निर्यातमुखी उद्योगीसँग आज प्रधानमन्त्री बालेनको छलफल

काठमाडौं । प्रधानमन्त्री बालेन शाहले प्रमुख निर्यातमुखी उद्योगका प्रतिनिधिसँग आज बिहान ११:३० बजे प्रधानमन्त्री तथा मन्त्रिपरिषद्को कार्यालय, सिंहदरबारमा छलफल गर्ने भएका छन्।

प्रधानमन्त्रीको सचिवालयका अनुसार छलफलमा नेपाल प्लाइउड उत्पादक सङ्घ, नेपाल गलैंचा उत्पादक तथा निर्यातकर्ता सङ्घ, नेपाल पश्मिना उद्योग सङ्घ, कार्पेट तथा प्लाइउड निर्यातकर्ता तथा नेपाल डग च्यु उत्पादक सङ्घका प्रतिनिधिहरू सहभागी हुनेछन्।

छलफलमा निर्यात प्रवर्द्धनका क्रममा उद्योगीहरूले भोगिरहेका चुनौती, आवश्यक नीतिगत सुधार तथा समाधानका उपायबारे सुझाव संकलन गरिने सचिवालयले जनाएको छ।

प्रधानमन्त्री शाहले पछिल्लो समय अर्थतन्त्रलाई चलायमान बनाउने, उत्पादन र लगानी बढाउने तथा निर्यात प्रवर्द्धनका विषयमा निजी क्षेत्रसँग निरन्तर संवाद गर्दै आएका छन्। यसअघि उनले चिया उद्योगी, हस्तकला महासंघ, उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, निर्माण व्यवसायी महासंघ, फुटवेयर एसोसिएसन, सेयर लगानीकर्ता तथा तयारी पोसाक उद्योग संघलगायतका प्रतिनिधिसँग पनि छलफल गरिसकेका छन्।