विराटनगर- उदयपुरमा स्कुल बस दुर्घटना हुँदा ३२ जना घाइते भएका छन्। महोत्तरीबाट सुनसरीतर्फ आउँदै गरेको बा २ ख ६४३८ नम्बरको बस शनिबार बिहान ९ बजे उदयपुरगढी गाउँपालिका-७ अँधेरी क्षेत्रमा दुर्घटनामा परेको हो।
घाइतेहरूलाई प्रहरी र स्थानीयबासीको सहयोगमा उद्धार गरी उपचारका लागि जिल्ला अस्पताल उदयपुर पठाइएको छ।
प्रहरीका अनुसार दुर्घटना भएको बस सडकबाट करिब २५ मिटर तल खसेको छ भने दुर्घटनाको कारणबारे थप अनुसन्धान भइरहेको छ।
