विराटनगर । क्यानडाकी २४ वर्षीया वेब डेभलपर एलिस क्यारियरको आत्महत्यापछि उनकी आमाले ओपन एआई र प्रमुख कार्यकारी अधिकृत स्याम अल्टम्यान विरुद्ध अमेरिकामा मुद्दा दायर गरेकी छन् ।
उजुरीअनुसार मानसिक स्वास्थ्य समस्यासँग संघर्ष गरिरहेकी एलिसले आत्महत्यासम्बन्धी विचारबारे च्याटजिपिटीसँग ४० पटकभन्दा बढी संवाद गरेकी थिइन् ।
परिवारले जोखिमका संकेत हुँदाहुँदै पनि आवश्यक हस्तक्षेप नभएको आरोप लगाएको छ ।
ओपनएआईले घटनालाई दुःखद भन्दै हालका प्रणालीहरूमा आत्महत्याको जोखिम पहिचान गर्ने र प्रयोगकर्तालाई वास्तविक सहयोगतर्फ मार्गदर्शन गर्ने सुरक्षा उपायहरू थप सुदृढ बनाइएको जनाएको छ ।
