विराटनगर । सरकारले नागरिकलाई झन्झटिलो सरकारी प्रक्रियाबाट राहत दिन ६२ जिल्लामा ‘सरकारी कुरियर’ सेवा विस्तार गरेको छ।
हुलाक सेवा विभागका अनुसार अब नेपाल टेलिकमको सिम कार्ड, औषधि तथा विभिन्न स्वास्थ्य सामग्रीहरू घरदैलोमै उपलब्ध गराइनेछ।
स्वास्थ्य बिमा बोर्ड र हुलाक सेवा विभागबीचको सम्झौताअनुसार ६२ जिल्लामा स्वास्थ्य सामग्री ढुवानीको काम जेठ १९ गतेदेखि सुरु भइसकेको छ।
यस्तै, नेपाल टेलिकमको सिम कार्ड घरमै पुर्याउने योजनाबारे हुलाक र टेलिकमका उच्च अधिकारीबीच चौथो चरणको छलफल समेत सम्पन्न भएको विभागले जनाएको छ।
