विराटनगर । श्रम संस्कृति पार्टीका सांसद् आरेन राईले जीवी राई कहिले पक्राउ पर्छन् भन्ने प्रश्न गरेका छन् ।
आज बसेको प्रतिनिधिसभा बैठकको शून्य समयमा उनले सहकारीका ठगीमा परेकाहरूलाई राहत दिनुपर्ने तर त्यो राहत सरकारी ढुकुटीबाट दिन नपाइने बताए ।
उनले भने,’बिजी राई कहिले पक्राउ हुन्छ सरकार? सहकारी पीडितले पैसा पाउनुपर्छ त्यसमा जोडदारका साथ हामी माग गर्दछौं । तर, जनताले तिरेको करबाट होइन । राज्य कोषबाट होइन । सहकारी, बैंक वा अन्य व्यवसायीहरुले डुबाएको पैसा सरकारले तिरिदिने नीति लिएको हो सरकार ?’
सरकारले सहकारी, बैंक वा अन्य व्यवसायीहरुले डुबाएको पैसा तिरिदिने नीति लिएको हो भन्दै उनले प्रश्न गरे ।
