विराटनगर । नेपाली कांग्रेसका नेता मोहन बस्नेतले पार्टी सभापति गगन थापालाई वडा सभापतिहरूमाथि कारबाही नगर्न चेतावनी दिएका छन् ।
पूर्वसभापति शेरबहादुर देउवा समूहको गण्डकी प्रदेशस्तरीय भेलालाई सम्बोधन गर्दै उनले वडा सभापतिहरूमाथि कारबाही गरे सानेपाबाटै निकाल्दिने चेतावनी दिएका हुन् ।
उनले भने,’तपाईँले वडा सभापति मात्र होइन, जिल्ला सभापतिलाई तपाईँले हटाउनुभएको छ, अलग्गै गर्नुभएको छ यदि तपाईँले भनेको नमाने बाफत । उहाँहरूलाई निष्कासन गरेर अरूलाई नियुक्ति गर्न थाल्नुभयो भने, कृपया गगनजी ती सबै मान्छे सानेपा आएर तपाईँलाई पार्टी कार्यालयबाट निकाल्नेछन्। त्यसमा हाम्रो साथ दिन्छौँ।’
उनले अहिले क्रियाशील सदस्य नवीकरणको नाममा धेरै नाटक नगर्न चुनौती दिए। क्रियाशील सदस्यता छानबिन र निर्वाचन समिति सबैलाई मिलाएर बनाउन आग्रह गरे ।
