रामबहादुर थापा बादलले देशी–विदेशी शक्तिहरूले पार्टी नेतृत्व र अध्यक्ष केपी शर्मा ओलीलाई कमजोर पार्ने र सखाप पार्ने अभियान चलाइरहेको दाबी गरेका छन्।
आइतबार मदन–आश्रित स्मृति दिवसका अवसरमा काठमाडौँको बल्खुस्थित मदननगरमा आयोजित कार्यक्रममा बोल्दै उनले यस्तो आरोप लगाएका हुन्।
बादलले जेनजी आन्दोलन, निर्वाचन, सरकारका निर्णय तथा पार्टी अध्यक्षमाथि उठाइएका मुद्दा र गिरफ्तारीका घटनाहरूलाई दासढुंगा घटनासँग जोड्दै ती सबै घटनाक्रम त्यसैको निरन्तरता भएको दाबी गरे।
उनका अनुसार अहिले देखिएका राजनीतिक घटनाक्रमहरूलाई सामान्य रूपमा होइन, योजनाबद्ध शृङ्खलाका रूपमा बुझ्नुपर्ने अवस्था आएको छ। उनले एमाले नेतृत्वको रक्षा गर्नु सिङ्गो पार्टी पङ्क्तिको जिम्मेवारी भएको समेत बताए।
