विराटनगर । नेकपा एमालेका सांसद् सुहाङ नेम्वाङले संविधान संशोधनको विषय केवल राजनीतिक अंकगणितको जोडघटाउमा मात्र सीमित हुन नहुने बताएका छन् ।
प्रतिनिधिसभा बैठकमा सरकारको नीति तथा कार्यक्रममाथिको छलफलमा भाग लिँदै उनले संविधान र अर्थतन्त्रका विषयमा सरकारको ध्यानाकर्षण गराए ।
उनले भने,‘संविधान केवल अक्षरहरूको सङ्ग्रह होइन, यो रगत र पसिनाले लेखिएको साझा सहमति हो,संविधानका अक्षरहरू बहुमतको गणितले मात्र कोरिनु हुँदैन, त्यसमा राष्ट्रको साझा ढुकढुकी र सहमतिको रङ्ग भरिनुपर्छ ।’
