विराटनगर । निर्वाचन आयोगले जनता समाजवादी पार्टी नेपाल र लोकतान्त्रिक समाजवादी पार्टी नेपालबिच भएको एकतालाई मान्यता दिएको छ ।
उपेन्द्र यादव नेतृत्वको जसपा नेपाल र महन्थ ठाकुर नेतृत्वको लोसपालाई आयोगले मान्यता दिएको हो ।
गत पुस २७ गते जसपा नेपाल र लोसपा नेपालबिच औपचारिक रूपमा एकता घोषणा भएको थियो ।
निर्वाचन आयोगलाई दुई पार्टीबिच एकता भएको जानकारी गराउँदै फागुन २१ सम्पन्न चुनावमा दुवै पार्टी एकीकृत रूपमा सहभागी भएका थिए ।
एकताका लागि बुझाएको कागजातमा केही नेता दुई वटा पार्टीमा रहेको देखिएको भन्दै त्यसलाई स्पष्ट गर्न तथा अन्य अपुग कागजात आयोगले जसपा नेपालसँग माग गरेको थियो । अपुग सबै कागजात आयोगमा बुझाएपछि त्यसको आधिकारिताको पत्र आज प्राप्त भएको छ ।
