काठमाडौं । पछिल्लो तीन कारोबार दिन लगातार बढेको नेप्से परिसूचक मंगलबार घटेको छ । मंगलबार नेप्से परिसूचक ३९.४४ अंकले घटेर २७४४.४० विन्दुमा कायम भएको छ ।
यसदिन सेन्सेटिभ इण्डेक्स ५.१५ अंक, फ्लोट इण्डेक्स २.५५ अंक र सेन्सेटिभ फ्लोट इण्डेक्स १.८९ अंकले घटेको छ ।
नेप्से घटेपनि कारोबार रकम भने बढेको छ । मंगलबार ३३८ स्टकको ६२ हजार ५१२ पटकको कारोबारमा ४ अर्ब ६६ करोड ५० लाख २० हजार रुपैयाँ बराबरको १ करोड ६ लाख ७८ हजार कित्ता शेयर खरिदबिक्री भएको छ । सोमबार ४ अर्ब ६१ करोड रुपैयाँ बराबरको कारोबार भएको थियो ।
आज धौलागिरी लघुवित्त वित्तीय संस्था को शेयरमूल्यमा सकारात्मक सर्किट लागेको छ । कम्पनीको शेयरमूल्य १९५ रुपैयाँले बढेर १ हजार ३९५ रुपैयाँमा अन्तिम कारोबार भएको हो ।
यता फस्ट माइक्रोफाइनान्स लघुवित्त वित्तीय संस्थाको शेयरमूल्य सर्वाधिक १२.४० प्रतिशतले घटेको छ ।
कारोबार रकमका आधारमा नेशनल हाइड्रोपावर शीर्ष स्थानमा रह्यो । कम्पनीको १८ करोड ९९ लाख रुपैयाँ बराबरको शेयर किनबेच भएको छ । त्यसपछि रिलायन्स स्पिनिङ मिल्सको १८ करोड रुपैयाँ तथा रिडी पावर कम्पनी को १७ करोड रुपैयाँभन्दा बढीको कारोबार भएको छ ।
१३ उपसमूहमध्ये १२ उपसमूहको परिसूचक घटेको छ । म्युचुअल फण्ड उपसमूहको परिसूचक भने सामान्य अंकले बढेको छ ।
