Photo: Naresh Shrestha/ THT विराटनगर । नेपाली कांग्रेसका सभापति गगन थापाले संविधान र प्रचलित कानुनले भूमिहीन दलित तथा सुकुम्वासीको हक स्पष्ट रूपमा निर्धारण गरिसकेको बताएका छन्।
संसदीय दलको बैठकपछि उनले नदी किनारमा बसोबास गर्ने नागरिकहरूको हकमा पनि कानुनले वैकल्पिक व्यवस्था सुनिश्चित गर्नुपर्ने बताए।
‘पहिचान गरेर उचित व्यवस्थापन गर्नुपर्छ भन्ने कानुनको व्यवस्था छ,उनले भने, यदि कसैले आफ्नो सम्पत्ति लुकाएर सुकुम्वासीको नाममा बसिरहेको छ भने उसलाई जमिन दिनु हुँदैन, बरु कानुनअनुसार कारबाही गर्नुपर्छ।’
उनले सुकुम्वासीप्रति राज्यको व्यवहार ‘निर्मम र क्रूर’ भएको आरोप लगाए।
