काठमाडौं – राष्ट्रिय स्वतन्त्र पार्टी (रास्वपा) का सभापति रवि लामिछाने विरुद्धको मुद्दा संशोधन गर्ने निर्णयविरुद्ध दायर रिट अब सर्वोच्च अदालतको पूर्ण इजलासमा सुनुवाइ हुने भएको छ।
सर्वोच्च अदालतका न्यायाधीश विनोद शर्मा र अब्दुल अजीज मुसलमान को संयुक्त इजलासले प्रारम्भिक बहस पछि रिट पूर्ण इजलासमा लैजाने आदेश दिएको छ।
पूर्वमहान्यायाधिवक्ता सविता भण्डारी बराल ले लामिछानेविरुद्ध केपी शर्मा ओली नेतृत्वको सरकारले लगाएका सम्पत्ति शुद्धीकरण र संगठित अपराधसम्बन्धी मुद्दा फिर्ता गर्ने निर्णयको विरोधमा रिट दायर गरेकी थिइन्।
उक्त निर्णयविरुद्ध अधिवक्ता युवराज पौडेल, वरिष्ठ अधिवक्ता दिनेश त्रिपाठी र अधिवक्ता आभास रेग्मी ले छुट्टाछुट्टै रिट दायर गरेका थिए।
सर्वोच्च अदालतले दुई अवस्थामा संयुक्त इजलासका मुद्दा वा रिट निवेदनलाई तीन सदस्यीय पूर्ण इजलासमा पठाउँछ:
१.दुई न्यायाधीशबीच राय बाझिएमा।
२.जटिल कानुनी प्रश्न भएको मुद्दा पूर्ण इजलासबाट टुंगिनुपर्ने निर्णय भएमा।
यसरी रिट अब पूर्ण इजलासमा पेश भएर मुद्दाको अन्तिम निर्णय हुने छ।
