काठमाडौं — राष्ट्रिय स्वतन्त्र पार्टीकी सांसद आशिका तामाङले संसदमा प्रभावकारी रूपमा प्रस्तुत हुन आफूले क्लास लिइरहेको बताएकी छन्।
ललितपुरको ग्वार्कोमा आयोजित दुई दिने अभिमुखीकरण कार्यक्रममा बोल्दै उनले आफूलाई ‘बोल्न आउँदैन’ भन्ने टिप्पणी आएपछि त्यसलाई सुधार्न अभ्यास गरिरहेको बताइन्।
उनले धेरैले आफूलाई अनावश्यक रूपमा आलोचना गरेको गुनासो गर्दै उक्त तालिमले बोल्ने शैली सुधार्न मद्दत पुगेको उल्लेख गरिन्। साथै नयाँ सांसदका रूपमा मार्गदर्शनको आवश्यकता महसुस भएको र पार्टीले आयोजना गरेको कार्यक्रम उपयोगी भएको उनले बताइन्।
