काठमाडौं — सर्वोच्च अदालतले धनुषा क्षेत्र नम्बर १ मा राष्ट्रिय स्वतन्त्र पार्टी (रास्वपा) का उम्मेदवार किशोरी साहको उम्मेदवारी खारेज गर्ने निर्वाचन आयोगको निर्णयमाथि तत्कालका लागि केही गर्न नपर्ने आदेश दिएको छ।
निर्वाचन आयोगको निर्णय खारेज गरी आफ्नो उम्मेदवारी कायम राख्न माग गर्दै साह अन्तरिम आदेशको मागसहित सर्वोच्च अदालत पुगेका थिए। तर अदालतले उनको हकमा अन्तरिम आदेश जारी गर्न नपर्ने ठहर गरेको हो।
विनोद शर्मा र मेघराज पोखरेलको इजलासले यस्तो आदेश दिएको हो।
यस आदेशसँगै हालका लागि निर्वाचन आयोगको निर्णय यथावत रहने भएको छ। त्यसअनुसार मात्रिका यादव निर्वाचित हुने भनी निर्वाचन अधिकृतको कार्यालयले गरेको निर्णय कायम रहने भएको छ।
