हेडलाइन : देशभर करिब ६० प्रतिशत मत खस्यो : निर्वाचन आयोग

विराटनगर । निर्वाचन आयोग नेपाल ले देशभर भएको प्रतिनिधिसभा निर्वाचनमा करिब ६० प्रतिशत मत खसेको प्रारम्भिक अनुमान सार्वजनिक गरेको छ। यद्यपि यो अन्तिम तथ्यांक नभएको आयोगले जनाएको छ।

आयोगका कार्यवाहक प्रमुख आयुक्त रामप्रसाद भण्डारी ले देशभरबाट आएको प्रारम्भिक विवरणका आधारमा करिब ६० प्रतिशत मत खसेको अनुमान गरिएको जानकारी दिएका हुन्।

यस निर्वाचनमा कुल एक करोड ८९ लाख तीन हजार ६८९ मतदाता रहेका थिए। तीमध्ये ९६ लाख ६३ हजार ३५८ पुरुष, ९२ लाख ४० हजार १३१ महिला तथा २ सय अन्य मतदाता रहेका छन्।

हाल देशभरबाट मत खसेको विस्तृत विवरण संकलन गर्ने काम जारी रहेकोले अन्तिम र यकिन तथ्यांक भने केही समयपछि मात्र सार्वजनिक गरिने आयोगले जनाएको छ।