काठमाडौं । राष्ट्रिय स्वतन्त्र पार्टी (रास्वपा)ले आज सुर्खेतबाट आफ्नो चुनावी वाचापत्र सार्वजनिक गर्ने भएको छ।
आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै पार्टीले कर्णाली प्रदेशको केन्द्र सुर्खेतबाट औपचारिक रूपमा प्रतिबद्धतापत्र सार्वजनिक गर्न लागेको हो।
पार्टीका अनुसार वाचापत्रमा सुशासन, रोजगारी सिर्जना, शिक्षा–स्वास्थ्य सुधार, भ्रष्टाचार नियन्त्रण र संघीय संरचनाको प्रभावकारी कार्यान्वयनलाई प्राथमिकतामा राखिएको छ।
घण्टाघर चोकमा मध्याह्न १२ बजे आयोजना हुने सभामा पार्टी सभापति रवि लामिछानेले वाचापत्र सार्वजनिक गर्नेछन्। वरिष्ठ नेता बालेन्द्र शाहले पनि सभालाई सम्बोधन गर्ने कार्यक्रम रहेको छ।
रास्वपाले वाचापत्रमार्फत कर्णालीका विकास, पूर्वाधार विस्तार र युवा रोजगारीलाई विशेष प्राथमिकता दिने जनाएको छ।
