खोटाङ । खोटाङको दिक्तेल रूपाकोट मझुवागढी नगरपालिका ११ जालपामा अवस्थित जालपा माध्यमिक विद्यालयले शुक्रबार सरस्वती पूजाको अवसरमा क्रिकेट खेल आयोजना गरेको छ । विद्यालयको खेल मैदानमा भएको रोमाञ्चक खेलमा शिक्षक टिम र विद्यार्थी टिमबीच प्रतिस्पर्धा भएको थियो
जालपाको इतिहासमै पहिलो पटक शुरुवात भएको खेलमा शिक्षक टिम र विद्यार्थी टिम आमनेसामने भएका थिए ।
खेलको शुरुवातमा पहिले टस जितेर ब्याटिङ गरेको शिक्षक टिमले १० ओभरमा ८ विकेट गुमाएर २२ रन बनाएको थियो। शिक्षक टिमको लागि कप्तान राजेन्द्र अधिकारी ले सर्वाधिक १४ रन बनाउँदै टिमलाई विजयी सुरुवात दिलाए।
२३ रनको लक्ष्य पछ्याएको विद्यार्थी टिम ९.४ ओभर खेल्दै १७ रनमै अलआउट हुन पुग्यो । शिक्षक टिमका राजेन्द्र अधिकारी र कृष्ण गिरी ले समान ३–३ विकेट लिएर विद्यार्थी टिमलाई कम स्कोरमा रोक्न सफल भए।
क्रिकेटको औपचारिक सुरुवात र सरस्वती पूजाको अवसरमा वडा प्रतिनिधिहरू, विद्यालय व्यवस्थापन समिति, जालपा प्रहरी र नगर अस्पतालका प्रतिनिधिहरूले पनि सहभागिता जनाए।
विद्यालयले यस कार्यक्रममार्फत विद्यार्थीमा अनुशासन, टोली भावना र स्वस्थ प्रतिस्पर्धाको संस्कार विकास गर्ने लक्ष्य राखेको जनाएको छ।
