विराटनगरको इडेनबर्ग कलेजमा धुमधामका साथ वैदिक विधिद्वारा शिक्षाकी देवी मानिने सरस्वती देवीको पूजा गरिएको छ । विराटनगर महानगरपालिका–९ बसपार्क नजिक रहेको कलेजले शुक्रबार विविध कार्यक्रमको आयोजना गर्दै वसन्त पञ्चमी मनाएको हो ।
कलेज परिसमा मूर्ति स्थापना गरी वैदिक विधिद्वारा शिक्षक, विद्यार्थी सरस्वतीको पूजा गरिएको थियो । सोही अवसरमा कलेजले सांगीतिक र सांस्कृतिक कार्यक्रमको आयोजना गरेको थियो, जसमा विद्यार्थीहरूले गायन र नृत्य गरी उपस्थित अभिभावक र शिक्षकलाई मनोरञ्जन प्रदान गरेका थिए ।
त्यसबाहेक कलेजले शैक्षिक क्रियाकलाप अनि अतिरिक्त क्रियाकलापमा उत्कृष्ट विद्यार्थीहरूलाई सम्मानसमेत गरेको थियो । उनीहरूलाई कलेजका अध्यक्ष विष्णु दाहाल, प्रिन्सिपल डिके साह, फाउन्डर संयोग पोखरेल, फाउन्डर तथा कोअर्डिनेटर शम्भुप्रसाद महतो, कृष्ण निरौलालगायत शिक्षक–शिक्षिकाले सम्मान गरेका थिए ।
