टप एन्ड टी–२० सिरिज खेल्ने नेपाली राष्ट्रिय क्रिकेट टोलीको घोषणा गरिएको छ। उक्त सिरिज आगामी अगस्ट १४ देखि २४ सम्म अस्ट्रेलियाको डार्विनमा आयोजना हुँदैछ ।
१६ सदस्यीय टोलीमा यसपटक कुशल मल्लले पुनरागमन गरेका छन्। उनी पछिल्लो स्टकल्याण्ड टुरमा टोलीबाहिर थिए।
कप्तान रोहित पौडेल नेतृत्वको टोलीमा उपकप्तान दीपेन्द्र सिंह ऐरीसहित सन्दीप लामिछाने, कुशल भुर्तेल, आसिफ सेख, गुलशन झा, आरिफ सेख, भीम सार्की, रुपेश सिंह, सोमपाल कामी, नन्दन यादव, करण केसी, रिजन ढकाल, लोकेश बम र ललित राजवंशी रहेका छन्।
यसपटकको प्रतियोगितामा नेपालसहित ११ टोली छन्। नेपालले पहिलो खेल १५ अगस्टमा एनटी स्ट्राइक, त्यसपछि क्रमश बंगलादेश ए, मेलबर्न स्टार्स, होबार्ट हुरिकेन्स, मेलबर्न रेनेगेड्स र पाकिस्तान शाहीन्सविरुद्ध प्रतिस्पर्धा गर्नेछ।
लिग चरणपछि शीर्ष ४ टोली सेमिफाइनलमा प्रवेश गर्नेछन्। नेपालले फाइनलसम्म पुग्न सके ८ खेल खेल्नेछ। यसपटकको सिरिज आईसीसी टी–२० विश्वकप एसिया तथा इस्ट एसिया प्यासिफिक छनोट र सेप्टेम्बरमा वेस्ट इन्डिजसँगको ऐतिहासिक टी–२० शृंखलाको तयारीको रूपमा हेरिएको छ।
