दक्षिण कोरियाली राष्ट्रपति युन सुक योल पक्राउ परेका छन् ।
कोरियाली अधिकारीहरूलाई उद्धृत गर्दै योल पक्राउ परेको समाचार बीबीसीले प्रकाशन गरेको छ ।
योलले देशमा सैनिक कानुन लागू गर्ने निर्णय गरेपछि संसदले त्यसको विरोधमा उनीमाथि महाभियोग प्रस्ताव पारित गरेपछि पक्राउ परेका हुन् ।
दक्षिण कोरियामा राष्ट्रपतिको तलव ३ प्रतिशतले वृद्धि गरिएको दुई दिनलगत्तै योल पक्राउ परेका हुन् ।
सन् २०२५ मा त्यहाँका राष्ट्रपतिले २६ करोड २६ लाख कोरियाली वन (२ करोड ४७ लाख नेपाली रुपैयाँ) पुर्याइएको छ ।
यसअघिसम्म दक्षिण कोरियाली राष्ट्रपतिले २५ करोड ४९ लाख कोरियाली वन तलव पाउने गरेका थिए ।
सबै सरकारी अधिकारी र कर्मचारीको तलव बढाउँदा राष्ट्रपतिको पनि तलव बढेको हो ।
राष्ट्रपतिबाट निलम्बनमा परेपनि योनले तलव भने पाइराख्न सक्ने त्यहाँको व्यवस्था छ ।
योनले अहिले प्रतिमहिना २ करोड १८ लाख कोरियाली वन तलव पाउँछन् ।
कोरिया हेराल्डका अनुसार राष्ट्रपतिबाट बिदा भएको व्यक्तिले पनि राष्ट्रपति हुँदाका बखतको तलवको ९५ प्रतिशत पाउने व्यवस्था छ ।
सन् २०२४ डिसेम्बर १४ मा दक्षिण कोरियाली राष्ट्रपति योन निलम्बनमा परेका थिए ।
