विराटनगर । नेपाल उद्योग परिसङ्घ कोसी प्रदेशको कार्यक्रममा सरिक हुन राष्ट्रपति रामचन्द्र पौडेल आज शनिबार विराटनगर आउँदै छन् ।
परिसङ्घले आयोजना गर्ने प्रजातन्त्र सेनानीहरूको सम्मान तथा उद्योगीहरूको भेलाको उद्घाटन गर्न उनी विराटनगर आउन आँटेका हुन् ।
पौडेल बिहान ११ बजे विराटनगर आइपुग्ने कार्यक्रम तय भएको छ ।
उनले विराटनगरस्थित होटल सिटीप्यालेसमा केही समय भेटघाटसमेत गर्नेछन्।
राष्ट्रपति पौडेल आजै काठमाडौ फर्कने कार्यक्रम रहेको उनको सचिवालयले जनाएको छ ।
