अभिनेता अनमोल केसी र अभिनेत्री सुहाना थापाको मुख्य भूमिका रहेको ‘ए मेरो हजुर ४’को दोस्रो गीत सार्वजनिक भएको छ ।
नारी दिवसको अवसरमा निर्माण टिमले ‘सुन्तला’ बोलको गीत यूट्युबमा सार्वजनिक गरेको हो ।
डान्सिङ नम्बरमा तयार गरिएको गीतमा मेलिना राई र निशान भट्टराईले स्वर दिएका छन् ।
गीतमा वसन्त सापकोटाको शब्द तथा संगीत रहेको छ । कविराज गहतराजको कोरियोग्राफी रहेको गीतमा अनमोल र सुहाना सहित अभिनेता सलोन बस्नेतलाई पनि देखाइएको छ ।
यसअघि फिल्मको पहिलो गीत ‘फूलको थुंगा हौकि’ सार्वजनिक भएको थियो ।
झरना थापा निर्देशित फिल्म ‘ए मेरो हजुर ४’ आउँदो बैशाख १ गतेबाट प्रदर्शनमा आउने भएको छ ।
झरना थापा र स्वर्गीय छेतन गुरुङको लेखनमा तयार भएको फिल्मलाई सुनिल कुमार थापाले निर्माण गरेका हुन् ।
पटकथा र संवादमा मन्दिप गौतम, प्रतिक पौडेल, बाबुराम दाहाल, उपकार पाण्डे र माधव शर्माले सघाएका छन् ।
साथै, फिल्ममा मित्र डि. गुरुङको सम्पादन, रामजी लामिछानेको कोरियोग्राफी, शैलेश श्रेष्ठको ब्याकग्राउन्ड स्कोर र हिमाल केसीको द्वन्द्व निर्देशन रहेको छ ।
