प्रायजसो बैङ्कले आफ्ना ग्राहकको सम्पूर्ण विवरण राख्ने एक किसिमको फारम अर्थात ग्राहक पहिचानका लागि भरिने फारमलाई नै केवाइसी फारम भनिन्छ । यसलाई अङ्ग्रेजीमा नो योर कस्टुमर भनिन्छ ।
यदि तपाईंले कुनै बैङ्कमा खाता खोल्दै हुनुहुन्छ भने अनिवार्य रूपमा केवाइसी फाराम भर्नु पर्ने हुन्छ ।
फोटो, परिचयपत्र, ठेगाना र पारिवारिक विवरणजस्ता थुप्रै विवरणहरू पूर्ण केवाइसी फारममा खुलाउनु पर्छ ।
आफ्ना ग्राहकहरूको सम्पूर्ण विवरण थाहा हुँदा बैङ्क ग्राहकसँगको सम्बन्ध र कारोबारमा ढुक्क हुन्छ ।
परिआएको समयमा बैङ्कले ग्राहक पहिचानसँग सम्बन्धित विवरण राम्रोसँग राखेको छ भने आवश्यक परेको बेलामा ग्राहकलाई सजिलै सम्पर्क गर्न पनि सहज हुन्छ ।
