मोबाइल गेम फ्रि फायरको अन्तर्राष्ट्रिय प्रतिस्पर्धाको फाइनलमा चार नेपाली फ्रिफायर टोली छनोट भएका छन् ।
‘वर्ल्ड स्पोर्टस् कप’ मा नेपालको तर्फबाट टु बी गेमर, टोन्डे गेमर, दादा ग्याङ र केएम ब्रदरहुड टिम फाइनलमा पुगेका हुन् । भारत र पाकिस्तानबाट चार-चार टिम गरी फाइनलमा कूल १२ वटा टिम पुगेको हो ।
सोमबारबाट सुरु भएर शुक्रबारसम्म चल्ने फाइनलमा एक लाख आठ सय अमेरिकी डलर अर्थात् एक करोड २० लाख भन्दा बढी नगद पुरस्कारका लागि नेपाल, भारत र पाकिस्तानको टोलीबिच प्रतिस्पर्धा हुनेछ ।
