काठमाडाैं । अमेरिकाको टेक्सासस्थित फोर्ट हुड सैन्य शिविरमा सन् २००९ मा १३ सैनिकको हत्या गरेका पूर्वअमेरिकी सैनिक मेजर निदाल हसनलाई दिइने मृत्युदण्ड प्रत्यक्ष प्रसारण गर्ने तयारी गरिएको छ।
अमेरिकी रक्षामन्त्री पिट हेगसेथले ‘रियल अमेरिकाज भ्वाइस’ टेलिभिजनसँगको अन्तर्वार्तामा हसनलाई गोली हानेर मृत्युदण्ड दिने टोली मार्फत मृत्युदण्ड दिइने पुष्टि गरेका छन्।
उनले मृत्युदण्डको दृश्य सर्वसाधारणले हेर्न पाउने व्यवस्था गरिने पनि बताएका छन्। हसनलाई आगामी डिसेम्बर ३ मा टेक्सासस्थित फोर्ट हुडमै मृत्युदण्ड दिने तयारी छ।
योजना कार्यान्वयन भएमा दोस्रो विश्वयुद्धपछि अमेरिकी सेनामा फायरिङ स्क्वाडमार्फत मृत्युदण्ड दिइने यो पहिलो घटना हुनेछ।भर्जिनियाका बासिन्दा हसन अमेरिकी सेनामा मनोचिकित्सकका रूपमा कार्यरत थिए।
सन् २००९ नोभेम्बर ५ मा उनले फोर्ट हुडस्थित सैनिक स्वास्थ्य परीक्षण केन्द्रमा गोली चलाउँदा १३ सैनिकको मृत्यु भएको थियो भने अन्य सैनिक घाइते भएका थिए
