विराटनगर । परराष्ट्रमन्त्री शिशिर खनालले प्रधानमन्त्री बालेन्द्र शाहले संयुक्त राष्ट्रसङ्घको ८१औँ महासभामा गरेको सम्बोधनले अन्तर्राष्ट्रियस्तरमा नेपालको प्रभाव र कूटनीतिक छविलाई नयाँ उचाइ दिएको दाबी गरेका छन् ।
न्यूयोर्कबाट स्वदेश फर्किएपछि आयोजित पत्रकार सम्मेलनमा उनले प्रधानमन्त्रीको सम्बोधन विश्वभर चर्चाको विषय बनेको र नेपालको राष्ट्रिय मुद्दालाई विश्व मञ्चमा प्रभावकारी रूपमा प्रस्तुत गर्न सफल भएको बताए ।
विशेषगरी भोटेकोसीमा आएको बाढीलाई ‘हिमालयन सुनामी’ का रूपमा प्रस्तुत गर्दै प्रधानमन्त्री शाहले हिमाली क्षेत्रमा जलवायु परिवर्तनले निम्त्याइरहेको जोखिमबारे विश्वको ध्यानाकर्षण गराएको उनको भनाइ छ ।
राजनीतिक परिवर्तनपछि युवा प्रधानमन्त्रीले पहिलोपटक विश्व मञ्चमा नेपाललाई कसरी प्रस्तुत गर्छन् भन्ने विषयमा अन्तर्राष्ट्रिय समुदायको विशेष चासो थियो ।
प्रधानमन्त्री शाहको सम्बोधनको भिडियो यस वर्ष महासभामा प्रस्तुत भएका सम्बोधनमध्ये विश्वभर सबैभन्दा धेरै हेरिएको भिडियो बनेको बताए ।
