विराटनगर । नेपालमा गर्न रोक लगाइएको १७औँ तिब्बती अध्ययन सम्मेलन अब भर्चुअल माध्यमबाट हुने भएको छ।
आयोजक संस्था इन्टरनेसनल एसोसिएसन फर तिब्बेन स्टडिजले सम्मेलन अगस्ट २३ देखि २९ सम्म पूर्वनिर्धारित समयमै भर्चुअल माध्यमबाट आयोजना गर्ने जनाएको छ।
तिब्बती मामिलाको संवेदनशीलताका कारण चीनले समेत सरोकार राखेपछि नेपाल सरकारले गत साता यो सम्मेनल नेपालमा गर्ने रोक लगाएको थियो ।
सरकारको निर्देशनपछि काठमाडौं विश्वविद्यालयअन्तर्गतको सहआयोजक संस्थाले सम्मेलनबाट हात झिकेपछि आयोजकले अनलाइन माध्यम रोजेको हो।
सहभागीहरूले आफू रहेकै स्थानबाट शोधपत्र तथा प्रस्तुति प्रस्तुत गर्न सक्नेछन्।
