विराटनगर । काठमाडौंमा भदौ पहिलो साता हुने तय भएको तिब्बतसम्बन्धी अन्तर्राष्ट्रिय सम्मेलन सरकारले स्थगित गराएको छ।
चीनले आपत्ति जनाएपछि प्रधानमन्त्री तथा मन्त्रिपरिषद्को कार्यालयले आयोजकलाई सम्मेलन रोक्न निर्देशन दिएको हो।
३९ देशका तिब्बत मामिला विज्ञ तथा प्राध्यापक सहभागी हुने सम्मेलनमा दलाई लामा प्रशासित धर्मशालाका प्रतिनिधिको सम्भावित सहभागिता, सुरक्षा जोखिम र कूटनीतिक संवेदनशीलतालाई ध्यानमा राख्दै सरकारले कार्यक्रम स्थगित गरेको जनाएको छ।
