विराटनगर । नेकपा एमालेकी सांसद् पद्मा अर्यालले सुनसरी घटनाको नैतिक जिम्मेवारी लिँदै प्रधानमन्त्री र गृहमन्त्रीले किन राजीनामा नदिने भन्दै प्रश्न उठाएकी छन् ।
प्रतिनिधिसभाको बैठकमा सांसद् अर्यालले विगतमा काठमाडौंमा गोली चल्दा तत्कालीन प्रधानमन्त्री र गृहमन्त्रीलाई जिम्मेवार ठहर गरिएको प्रसंग स्मरण गराउँदै सुनसरीमा पनि मानिसको ज्यान गएको अवस्थामा वर्तमान प्रधानमन्त्री र गृहमन्त्रीले नैतिक जिम्मेवारी लिनुपर्ने धारणा राखिन् ।
साथै, सरकारले दंगा नियन्त्रण गर्न नसकेको आरोप लगाउँदै शान्ति–सुरक्षा कायम गर्न सरकार असफल भएको टिप्पणी गरिन्।
