विराटनगर । प्रधानमन्त्री बालेन्द्र शाहले पछिल्लो सुरक्षा अवस्था र सामाजिक संवेदनशीलतालाई मध्यनजर गर्दै आकस्मिक मन्त्रिपरिषद् बैठक आह्वान गरेका छन्।
प्रधानमन्त्री सचिवालयका अनुसार बुधबार दिउँसो सिंहदरबारस्थित प्रधानमन्त्री तथा मन्त्रिपरिषद्को कार्यालयमा बैठक बोलाइएको हो।
बैठकमा पछिल्लो सुरक्षा अवस्था, सामाजिक तनाव र त्यसको समाधानका उपायबारे छलफल हुने बताइएको छ।
कप्तानगन्ज बजारमा दुई पक्षबीच चर्किएको विवाद नियन्त्रणमा लिन खटिएका सुरक्षाकर्मीले चलाएको गोली लागेर एक स्थानीय युवकको मृत्यु भएपछि उक्त क्षेत्रमा तनाव थप बढेको छ।
घटनापछि सम्भावित थप हिंसा र मुठभेड रोक्न स्थानीय प्रशासनले कप्तानगन्ज तथा आसपासका क्षेत्रमा अनिश्चितकालीन कर्फ्यू आदेश जारी गरेको छ।
यसै अवस्थालाई ध्यानमा राख्दै सरकारले आवश्यक निर्णय लिन आकस्मिक मन्त्रिपरिषद् बैठक बोलाएको प्रधानमन्त्री सचिवालयले जनाएको छ।
