विराटनगर । एमालेका महासचिव शंकर पोखरेलले सुनसरीका नागरिकले सरकार आफ्नो अभिभावक भएको अनुभूति गर्न पाउनुपर्ने बताएका छन्।
उनले नागरिकको सुरक्षा सुनिश्चित गर्नु सरकारको पहिलो दायित्व भएको बताएका हुन् ।
उनले पछिल्ला घटनाले सुरक्षा व्यवस्थामाथि गम्भीर प्रश्न उठाएको उल्लेख गर्दै यस्ता घटना किन दोहोरिरहेका छन् भन्ने विषयमा निष्पक्ष छानबिन आवश्यक रहेको बताए।
साथै, सुरक्षा निकायको मनोबल कमजोर भएको हो वा भिड व्यवस्थापनमा कमजोरी भएको हो भन्ने विषय पनि गम्भीर रूपमा समीक्षा गर्नुपर्ने उनको भनाइ थियो।
उनले नागरिकको ज्यान जोगाउँदै प्रभावकारी रूपमा सुरक्षा व्यवस्थापन गर्नुपर्नेमा जोड दिँदै मुलुकमा शान्ति, सद्भाव र कानुनी शासन कायम राख्न सबै राजनीतिक दल र सरोकारवालाको साझा जिम्मेवारी रहेको बताए।
