विराटनगर । देवानगञ्जमा भएको घटना र त्यसपछि उत्पन्न असामान्य परिस्थितिलाई मध्यनजर गर्दै कोशी प्रदेशका मुख्यमन्त्री हिक्मतकुमार कार्कीले सर्वदलीय बैठक आह्वान गरेका छन्।
प्रदेश प्रमुख सचिव राजेन्द्रकुमार पौडेलका अनुसार बैठक आज दिउँसो १२:३० बजे आन्तरिक मामिला तथा कानुन मन्त्रालयमा बस्नेछ।
बैठकमा सुरक्षा निकायका प्रमुख, सुनसरीका प्रदेशसभा सदस्य तथा विभिन्न राजनीतिक दलका प्रदेशस्तरीय नेताहरूको सहभागिता रहनेछ।
बैठकमा प्रदेशको शान्ति–सुरक्षा अवस्था, सामाजिक सद्भाव कायम राख्ने उपाय तथा प्रदेश सरकारको उपस्थिति र समन्वयलाई थप प्रभावकारी बनाउने विषयमा छलफल हुने जनाइएको छ।
यसअघि मुख्यमन्त्री कार्कीले भिडिओ सन्देशमार्फत सामाजिक सद्भाव कायम राख्न आव्हान गरेका थिए ।
