विराटनगर । श्रम संस्कृति पार्टीका अध्यक्ष हर्क साम्पाङ आज जानकी मन्दिर दर्शनका लागि जनकपुरधाम पुगे पनि विरोध र सुरक्षा संवेदनशीलताका कारण दर्शन नगरी फर्किएका छन्।
उनी मन्दिर पुग्नुअघि नै उनका समर्थक र हिन्दू सम्राट सेनाका कार्यकर्ताबीच मन्दिर परिसरमा धकेलाधकेल भएको थियो।
सम्भावित झडप हुन सक्ने अवस्था देखिएपछि प्रहरीले सुरक्षा व्यवस्था कडा बनाउँदै उनलाई मन्दिर प्रवेश गर्न रोकिएको जनाएको छ।
हिन्दू सम्राट सेनाले साम्पाङलाई ‘क्रिश्चियन धर्मको प्रचारक’ भएको आरोप लगाउँदै मन्दिर प्रवेश गर्न नदिने घोषणा यसअघि नै गरेको थियो।
सोही कारण बिहानैदेखि मन्दिर क्षेत्रमा सुरक्षा व्यवस्था कडा पारिएको थियो।
घटनापछि साम्पाङले सामाजिक सञ्जाल फेसबुकमार्फत प्रतिक्रिया जनाउँदै जनकपुरमा तनाव, तर गृहमन्त्रीको फोन अफ लेखेका छन्।
