विराटनगर । राष्ट्रिय प्रजातन्त्र पार्टीका सांसद ज्ञानेन्द्र शाहीले राष्ट्रिय स्वतन्त्र पार्टी र सरकारप्रति लक्षित गर्दै संसद्मा आफूले उठाएका प्रश्नहरूको तथ्यसहित जवाफ दिन चुनौती दिएका छन्।
जापान भ्रमणमा रहेका शाहीले टिकटक लाइभमार्फत सम्बोधन गर्दै ओसाकामा आफूमाथि भौतिक आक्रमण भएको भन्ने सामाजिक सञ्जालमा फैलिएको दाबीलाई असत्य र भ्रमपूर्ण प्रचार भएको बताएका छन्।
उनले रास्वपाका कार्यकर्ताहरूले आफूलाई बदनाम गर्ने उद्देश्यले नियोजित रूपमा यस्तो अफवाह फैलाइएको आरोप लगाएका छन्।
संसदमा आफूले उठाएका विषयहरूको जवाफ दिन नसकेपछि आफ्नो चरित्रहत्या गर्न खोजिएको दाबी गर्दै उनले सरकार र रास्वपामाथि आलोचना गरे।
उनले सहकारी ठग्ने र जेलबाट भाग्नेहरू मर्यादापालक हुने, अनि त्यसको विरोध गर्नेचाहिँ असभ्य हुनेरु भन्दै प्रश्न गरेका छन् ।
उनले सरकार र रास्वपालाई फेसबुक र टिकटकमार्फत भ्रम फैलाएर राजनीतिक प्रतिवाद गर्नुको सट्टा संसद्को रोस्ट्रममा उभिएर तथ्य र प्रमाणसहित आफ्ना प्रश्नहरूको जवाफ दिन आग्रह गरेका छन्।
