विराटनगर । उपराष्ट्रपति रामसहाय प्रसाद यादव कतारका जाने भएका छन् ।
पूर्वअमिर शेख हमद बिन खलिफा अल थानीको निधनमा नेपाल सरकारका तर्फबाट शोक समवेदना व्यक्त गर्न उनी आज दिउँसो ३:३० बजे कतारका जाने भएका हुन् ।
तीन दिने औपचारिक भ्रमणका क्रममा कतार जान लागेका उनले राष्ट्रपति रामचन्द्र पौडेलले पठाएको शोक सन्देश कतारका अमिर शेख तमिम बिन हमद अल थानीलाई हस्तान्तरण गर्ने कार्यक्रम रहेको परराष्ट्र मन्त्रालयले जनाएको छ ।
भ्रमण टोलीमा नेपाल सरकारका उच्चपदस्थ अधिकारीहरूसमेत सहभागी छन् ।
उनी असार ३२ गते स्वदेश फर्कने तालिका रहेको छ ।
