विराटनगर । निरन्तर वर्षा भइरहे पनि मुग्लिन–नारायणगढ सडक खण्डमा सवारी आवागमन सञ्चालनमै रहेको छ।
सडक डिभिजन कार्यालय, भरतपुरले सोमबार सूचना जारी गर्दै उक्त सडकमा हाल सवारीसाधन सञ्चालन भइरहेको जनाएको हो।
वर्षायामको समय भएकाले यस सडक खण्डमा पहिरो खस्ने जोखिम उच्च रहेको भन्दै सडक डिभिजन कार्यालयले यात्रु तथा सवारी चालकहरूलाई विशेष सतर्कता अपनाउन अनुरोध गरेको छ ।
कार्यालयका अनुसार वर्षायामभर पहिरोको जोखिम कायम रहने भएकाले यात्रा गर्नुअघि सडकको पछिल्लो अवस्था अनिवार्य रूपमा बुझेर मात्रै यात्रा गर्नुपर्नेछ।
सडक डिभिजन कार्यालयले विशेषगरी मुग्लिन–नारायणगढ सडक खण्डमा यात्रा गर्ने यात्रु तथा चालकलाई सडक खुला रहे नरहेको पछिल्लो जानकारी लिएर मात्र यात्रा गर्न सुझाव दिएको छ।
