विराटनगर । नेपाली कांग्रेसकी सांसद् सिता थपलिया उर्मिलाले वालेन्द्र शाह नेतृत्वको सरकारले सुकुम्बासीको आँखामा आँसुको उपहार दिएर आफ्नो १०० दिन पूरा गरेको आरोप लगाएकी छन्।
बुधबार बसेको प्रतिनिधिसभा बैठकमा बोल्दै उनले वर्षायामको मुखमा सुकुम्बासीहरूलाई उठिबास लगाउनु अमानवीय भएको टिप्पणी गरिन्।
सत्तापक्षका सांसद्हरूलाई ३५ वर्षको नाममा पुराना दलमाथि निरन्तर आरोप लगाउनुभन्दा आफ्नै कार्यशैली सुधार गर्न सुझाव दिइन्।
उनले सरकारको सुशासनको नारा व्यवहारमा नदेखिएको दाबी गर्दै नातावाद र कृपावाद अझै कायम रहेको आरोप लगाइन्।
उनले पुराना दललाई आलोचना गर्नुभन्दा पहिले आफूहरूको कार्यसम्पादनको समीक्षा गर्न र ऐनामा आफूलाई हेर्न सत्तापक्षलाई आग्रह गरिन्।
