विराटनगर ।भक्तपुरमा एक युवकको हत्या गरेको आरोपमा प्रहरीले तीन जनालाई पक्राउ गरेको छ।
भक्तपुर नगरपालिका–१ नगरकोट मोडमा बस्दै आएका महोत्तरी मिथिला नगरपालिका–९ घर भएका २८ वर्षीय आकाश रसाईलीमाथि धारिलो हतियार प्रहार भएको सूचना प्राप्त भएपछि प्रहरी प्रभाग दुधपाटीबाट खटिएको टोलीले घटनामा संलग्न रहेको आरोपमा उनीहरूलाई पक्राउ गरेको हो।
पक्राउ पर्नेहरूमा भक्तपुर सल्लाघारी बस्ने उदयपुर घर भएका ३१ वर्षीय आयष कार्की, झापा घर भएका २७ वर्षीय दोर्जे शेर्पा र गुल्मी घर भएका ३५ वर्षीय रमेश कुँवर रहेका छन्।
चक्कु प्रहारबाट गम्भीर घाइते भएका रसाईलीलाई उपचारका लागि केएमसी अस्पताल सिनामंगल लगिएको थियो। उपचारकै क्रममा मंगलबार बिहान उनको मृत्यु भएको प्रहरीले जनाएको छ।
